کتاب ایچیمده کی قیز

کتاب ایچیمده کی قیز نوشتهٔ رقیه کبیری است. انتشارات موغام این کتاب را منتشر کرده است.

درباره کتاب ایچیمده کی قیز

کتاب ایچیمده کی قیز مجموعه ۱۳ داستان کوتاه است

خواندن کتاب ایچیمده کی قیز را به چه کسانی پیشنهاد می‌کنیم

این کتاب را به دوستداران داستان کوتاه پیشنهاد می‌کنیم.

بخشی از کتاب ایچیمده کی قیز

«یئنه ایچیمده‌کی هیجانلی قیز باش قالدیریب. کولک قولاق‌لاریمدا کوشولداییر. اؤنومده‌کی هیبت‌لی آدامین آرخاسیجا گئدیرم. آغ-آپ‌آغ قار، اؤرپک کیمی داغ-داشی بورویور.

منه دئین یوخدور بوردا نه ایشین وار! تانیمادیغین کیشی ایله بیرلیکده داغ-داشا گلیبسن!.. ایچیمده‌کی قیز سسله‌نیر: «پیس دوشونمه؛ یولداش‌لاریمیزین هامیسی گونمه‌لیدی».

ایچیمده‌کی دوز دئییر. بو آدامی یاخشی تانیماسام دا، بیلمیرم نه‌دن‌دیر اونا گوونیرم. هئچ ده قورخمورام. اوندان اوشونمورم. راحتم. نه‌دن ناراحت اولوم‌ کی؟! نه اولسا بیزی یوخاریدان بیر‌-بیریمیزه تانیتدیریب‌لار.

داغدان یوخاری قالخاندا، یولون قیراغینداکی دامچانی منه گؤستردی: «اورا، بهلول عمی‌نین ائویدی». منیم گؤزوم قاش-قاباقلی بولودلاردایدی. «ائله‌بیل یاغاجاق» - دئدیم. بولودلارا باخیب اوزومه گولدو. «ایکی ساعت چکمز، تئز قاییداریق» - دئدی.

بیر آندا سرت سیماسی پوزولدو. شیرین-شیرین گولوشو ایچیمده‌کی قیزین اوره‌یین تاپپیلداتدی...

منیم نه وقتیم‌دی!

یاتاغیمدا اوزانمیشام. گؤزلریمی یومورام. هئچ اینانمیرام... ائله دوغرودان من باخا-باخا گلیب گؤزومه گیره‌جک! جانیمی بورویه‌جک؟ هله هئچ نه اولمامیش ال-قولوم سوستالدی. کیریخیب‌لار. یقین کیریخیب‌لار. منیم نه‌ییمدی کی؟ساچ‌لاریما هله بیر دَن ده دوشمه‌ییب. چوخ تئزدی. منه یاراشمیر کی. قاری-قوجانی بوشلاییب، گلیب منیم یاخامدان توتاجاق؟ قاینانامی، خالامی، قوهوم-قونشونون قوجا قاری‌لارینی گؤرمز اولوب، گله‌جک منیم بوینومدان آسلانسین؟ خالامین ساچ‌لاریندا اوچ‌جوت-بیر تک قارا توک تاپیلماز. باش‌-گؤزو تیتره‌سه ده، یاسدیغینا سؤیکه‌نیب هله‌ ده حکم ائدیر. خالام همیشه دئیرهاا «آتان خیخ دئییب؛ سن اونون بورنوندان دوشوبسن». بونو اؤزوم ده بیلیرم. قرار دئییل کی آتامین هر نه‌یی منه میراث قالسین. قاش-گؤزو، آغزی-بورونو منه قالیب، یئتر. مگر آتامین مندن باشقا اورتاجی یوخدو؟...»