کتاب آجلیق باراتاسی

کتاب آجلیق باراتاسی نوشتهٔ رقیه کبیری و ویراستهٔ حمید بخشمند است. انتشارات موغام این رمان ترکی را منتشر کرده است.

درباره کتاب آجلیق باراتاسی

کتاب آجلیق باراتاسی در سال ۱۳۹۷ منتشر شد. این رمان ترکی در سال ۲۰۲۰ توسط انتشارات «بئنگو» (BENGÜ) به زبان ترکی استانبولی در ترکیه چاپ شده است. رقیه کبیری این رمان را در ۱۰ فصل نگاشته و آن را این‌گونه آغاز کرده است: «همیشه‌کی کیمی بیر ألیمی اسکلئتین قاسیغینا آتیب، او بیری ألیمله اوْنوُرغاسیندان یاپیشدیم. بیلیرم، قاضی گؤزآلتی منی گودور. بیلیرم، ایندی باشیمی قالدیریب اونا باخسام شوبهه‌سیز پؤرتوشه‌جه‌یم. بیلیرم، قاضی عنبردن خوشلانسا دا، مندن آجیغی گلیر. ماهانا دالیسنجادیر آجی دیلی‌له منی ساشسین. میز دالیسیندا اوتوروب، بایاتلامیش تاریخ کیتابلاری اوخودوغو زامانلار بئله میزین اوستونده‌کی کیتاب قالاغینین دالیسیندان آزمایشگاهین هر یئرینی گودر. گؤزلری حساس دوربونلر کیمیدیر. دییه‌سن تاریخین ایتیب، باتمیش دؤنگه‌لرینده قویلانمیش یئددی آرخاسی گودوکچو ایمیشلر. گودمه‌یی بیر یانا، گؤزونده ترسه گؤرونن هر هانسی بیر ایشه گؤره محصّللره اویاریجی تذکّرلر وئرر. بیلیرم، ایندی اؤزنو ساخلایا بیلمه‌ییب، زیل سسیله، یالاخ لحنیله همیشه‌کی سؤزونو تکرار ائدیب اؤزو ده پؤرتوشه‌جک.»

خواندن کتاب آجلیق باراتاسی را به چه کسانی پیشنهاد می‌کنیم

این کتاب را به دوستداران ادبیات ترک و علاقه‌مندان به مطالعهٔ رمان به زبات ترکی پیشنهاد می‌کنیم.

درباره رقیه کبیری

رقیه کبیری متولد ۱۳۴۱ در خوی، رمان‌نویس، داستان‌نویس و شاعری از منطقهٔ آذربایجان است. رقیه کبیری که بیش از ۱۹ اثر منتشر کرده، بیشتر آثار خود را به زبان ترکی نوشته است. سه کتاب «اوره‌ییم آغرییر»، «ائویم» و «مر آغاجی‌نین کهربا گوزلری» از او توسط انتشارات «قانون» در جمهوری آذربایجان هم به چاپ رسیده است.

بخشی از کتاب آجلیق باراتاسی

« «میلّت گونو» نده آل- وئر پایاپای اولاردی. کندلیلر پنیر، قاتیق، تویوق، خوروز، آرپا، بوغدا، یون، گوزه‌م و... بونلار کیمی ارزاق- أشیالاری مئیداندا یئره دؤشه‌ییب، پایاپای ده‌ییشردیلر. کیمیسی تویوق- خوروزو قند- چای ایله، کیمیسی پنیر- قاتیغی تییه پارچایلا آلیش- وئریش ائدردی.

ایندیسه قحط‌لیک اوزوندن روس اوردوسونون سایه‌سینده کروانسارالارین بوش حیط‌لری، خانا- خانا منزیللری کندلیلر اوچون گؤزو یولدا قالیب. خالق بلکه اؤز عائیله‌سینی آجلیقدان قورتارسین دئیه وار- یوْخونو بیر- بیریندن گیزله‌دیر.

مئیداندا نالبنددن، ده‌میرچیدن، اوْراخچیدان، پالاندوزدان، علّافدان علاوه آیری کسبه‌نین توکانلاری باغلی قالیب. بیر زامانلار یونجا باغلاری، سامان تایلاری علافلارین توکانلاریندا اوست- اوسته قالاناردی. ایندیسه روسلارین سایه‌سینده کؤمور- خکه‌دن علاوه هئچ نه گؤزه ده‌یمیر. نالبندلر، پیچاق‌ایتیلدنلر آنجاق روس سالداتلارینین آتلارینی ناللاییب، خنجرلرینی ایتیلدیب، گاهدان‌بیر بئش- اوْن قپیک اوجرت آلیب، گاهدانسا قورخولاریندان پولسوز- پاراسیز اونلارین ایشلرینی یولا سالیرلار.

باققاللار ایله تاجیرلر اولوب قالان أرزاقی توکانلاردان ائولرینه داشیییب، زئرزمیلرده، صاندیقخانالاردا گیزله‌دیبلر. ایری تاجیرلر ایری منفعت‌لری اولدوغو اوچون أرزاقی نام- نیشانسیز گیزلی آنبارلاردا گیزله‌دیب، روسلارلا آل- وئر ائدیرلر. چؤرکچی‌خانالارا تای قصّابلارین دا اوروسولاریندان قیفیل آسلانیر. سامان مئیدانینین داشقاچیلاری دا توکانچیلارینا تای بوش- بئکار قانلی یخچلدن بیر آز آرالی صف چکیب موشتری گؤزله‌ییرلر. آتلارین دا قارینلاری داشقاچیلار کیمی آجدیر. سالداتلار داشقاچیلارین طؤوله‌لرینده‌کی سامانا بئله رحم ائله‌میرلر. شیرپزلرین بازارلاری کاساد اولدوغونا گؤره قانلی یخچلین سککیسی ده تبریزین آیری یخچللری کیمی پنیر- قاتیقدان بوش قالیب.

«میللت گونلری» قانلی یخچلین قارشیسیندا معرکه توتان پهلوان داها سامان مئیدانینا دولانمیر. ائله بیل دونن ایدی ألی‌یوخ مشدحسین بیردن- بیره پهلوانین اوستونه چیمخیردی.

پهلوان معرکه قوروب میخ اوسته اوزانمیشدی. نوچه‌سی اونون سینه‌سی اوسته بیر بؤیوک داش قویدو. سونرا بؤیوک داشین اوستوندن بیر بالاجا داش قویوب، گوپونله بالاجا داشین باشینا چالدی. آلتداکی داش چاتلادی. پهلوانین گوجونه جماعتین گؤزلری بَره‌لیب، صلوات سسی گؤیه قوْوزاندی. دئیه‌سن مؤعجوزه اوز وئریب. ألی‌یوخ مشدحسین بیردن- بیره جماعتین آراسیندان چیمخیردی: «پهلوان! گؤ...ن وار تکجه بیر میخین اوستونده یات بااااا...»

ناییب‌قاضی قانلی یخچلین باشیندا کی خرپوشته‌نی ته‌زه اؤتوب کئچمیشدی کی «یاعلی... یا قولسوز أبلفضل دادیما چات، بالامی اؤلدوره‌جاخ!» سسینی ائشیتجک آرخایا دؤندو. توتدوخ دربندینین باشیندا بیر آرواد چرقدیندن ائشییه تؤکولموش ساچینی یوْلوب، دیزلرینه چیرپیر، آغلاییب باغیریردی. ناییب‌قاضی یوخودان هاراسان آییلان کیمی بیر آن هویوخوب، قالدی. توتدوخ دربندینین اوزبَه‌اوزونده‌کی پالاندوز، توکانیندان چیخیب، بیرباشا آروادا طرف قاچدی. باشلار توکانلاردان ائشییه بویلاندی. دئیه‌سن سامان مئیدانینین بئکار توکانچیلاری بیردن بیره یوخودان اویاندیلار. توکانیندان بویلانان کسبه آروادی آغلار گؤرونجه اونا ساری قاچیردی. ناییب‌قاضی ده یئه‌یین آددیملارلا توتدخ دربندینه دوغرو یورودو. آرواد جماعتی باشینا ییغمیش گؤردویونده آغلایاراق کوچه‌نین ایچینه طرف گؤتورولدو. کوچه‌نین سوْلوندا دیبسیز دربندده دیب قاپیدان ایچری گیریب، جماعته ساری قیشقیردی: «بالامی اؤلدورور، سنی او قوْلسوز أبلفض، گلین قویمایین!» »