چهار شعر از صالح عطایی
متولد ۱۳۴۴، اردبیل.
مجموعههای منتشر شده: «بلکه داها دئینمهدیم»، «منیم آدلاریم»
۱
دار آغاجی هاردا قورولاجاق؟
سنچمک حاققی واریمیزسا...
سنچمک حاققی، لوطفن
مومکونسه اؤز ائویمیزده
مومکونسه بیر گمی ده
مومکونسه او بویودویوم خیاواندا
مومکونسه اؤز دامیمیزدا
مومکونسه بیرداها
گمی ده
۲
بو گؤی لرین ایشیغی
بو گوندوزلر
گئجه لر
اونوتقاندیلار، اونوتقان
آما گاهدان یادلارینا دوشوروک
آداما ساری گلیرلر،
گلر کیمی اولورلار
بیر کؤرپونون
خیاوانین
بیر اسیم،
بیر دومانین
بیر ماهنی نین
آداما ساری گلمه سی تک
۳
قره بولوت
گلیر دورور گؤلون اوسته
گلیر کوچه باشینی آلیر
ایندیجه یاغاجاق یاغماییر سن گلیرسن
منی گؤرمه دن سوووشورسان
منی بوردا هارداسا بیر خیاواندا
منی بوردا، ائوینیزین قاباغیندا...
بوتون آلچاق قاپی لارلا آربالاشیب
سنه باخیرام
۴
چییینیندن اؤپورم
گؤل ایسی
گؤل دادی وئریر
بیر نشعه واردی منده
اؤزومده دئییلم
بیلمیرم نه دن دانیشیریق:
بیر آزجا قاباقدا
سولار ایله قارانلیغین قاریشدیغی یئردن
کؤچه ری قوش لاردان
یوخسا بو اسن سرین یئلدن
بلکه بو دا بیر یوخودور
بیرداها نه وارسا بیر آن ایچینده
یوخا چیخاجاق
اوتورموشوق
سولارین سسینه قولاق آسیریق
دالغالار
هر سؤزو
ایچینه آلیب
یک شعر از احسان محمدی
متولد ۱۳۶۹، اردبیل.
...
شبیه یوسفم شرمندهی لطف برادرها
دلم بازار شام است و سرم بازار مسگرها
دلم …
