بریده‌هایی از کتاب دیوان شهریار

سن بو آیلی گئجه‌ده سئیره چیخان بیر سرو اول. ایذن وئر من‌ده دالینجا سورونوب سایه گلیم.

آخیر زماندی بیر قولاق آس عرشی تیتره دیـر ... ملت لرین هــارای ، مددی ، الامـــان سسی !!!

جسمیم قوجالسادا هله عشقیم قوجالمیوب جینگیلده ییـر هله قولاغیمدا جـــوان سسی

سانکی اوشاقلیقیم کیمی ننیمده یاتمیشام ...! لای لای دئییر منه آنامیـــن مهربـــان سسی ! سـانکی سفرده یم اویادیــرلار کی دور چاتاخ! زنگ شتر چالیر ، کئچه رک کـــاروان سسی!!!

صبح اولدی هر طرفدن اوجالدی اذان سسی! گـــویا گلیــــر ملائـکه لــــردن قــــرآن سسی!!! بیر سس تاپانمیـــرام اونا بنزه ر، قویون دئییم: بنزه ر بونا اگـر ائشیدیلسیدی جـــان سسی

سانکی چوبان یاییب قوزونی داغدا نی چالیر ! رؤیا دوغـــور قوزی قولاغیندا چوبـــان سسی !!!

آرزو جلگه لرینده بیز اکن مزرعه لر دئییه سن ساقه لنیب قوی هله سنبللنسین قصه چوخ قافیه یوخ آختاریرام تاپمیورام یئریدیر شهریارین طبعی ده تنبللنسین

ساری یازلیقدان اولان گوللی قیزارمیش سنگک گره ک آغزوندا اریک تک ازیلیب هللنسین تهرانین غیرتی یوخ شهریار ساخلاماغا قاچمشام تربیزه تا یاخشی یامان بللنسین باغچامیز فاسد اولوب ، هر نه ااکرسن اولماز یئری داشلیقدی گره ک توپراقی غربیللنسین مدعاسی چوخ اولان طبل تهی پربادوخ نیله یک ضرناچی نین بورنو گره ک یئلله نسین بو گیجللنمه دن آی چرخ فلک سنده یورول

ساری یازلیقدان اولان گوللی قیزارمیش سنگک گره ک آغزوندا اریک تک ازیلیب هللنسین

او منیم شعریمه چوخ ماییل اولان وردسته دئنه: شاعیر چوره یی قوی قوروسون گوللنسین

بو کتابلار ئؤزی بیر آت یوکودور بونی کیم چاتسین آتا بیلمه ییرم چای سیزام تاپمیورام چای پاکاتین نه گلیب بو پاکاتات بیلمه ییرم هی سؤیوقدان قورولوب بیگ دورورام کیمدی یئنگه - موشاتا بیلمه ییرم ال کی دوتمور یازام ، ال تاپاقدا قلمه یا داواتا ، بیلمه ییرم گئجه میز صبح اؤلاجاق یا هله وار؟ باخیرام هی ساعاتا بیلمه ییرم قوش اوچار ، آمما نه درمان ائله مک؟ داش ده گن قؤل قاناتا بیلمه ییرم آی قاداشلار ! منه بیر ال یئتیرون یوک آغیرلاشدی چاتا بیلمه ییرم طبع شعریم دایانیب ، سؤنجوق آتیر من ده کی سؤنجوق آتا بیلمه ییرم

گؤیدن ایلهام آلالی سیرری سماواتا دییه رسه ن هله آغ کورکو بورون، یازدا یاشیل دون دا گییه رسه ن

دئدین: آذر ائلینین بیر یارالی نیسگیلییه م من نیسگیل اولسام دا گولوم بیر ابدی سئوگیلییه م من ائل منی آتسا دا اؤز گوللریمین بولبولویه م من

گول گؤزوندن یاشی سیلدی تور قوران اووچو آتین قوومادا سیندی، گئری قالدی اؤزو گئتدی، تورو قالدی آمما حئیدربابا دا بیلدی کی، بیز تک هامی داغلار باغلانیب قول-قولا زنجیرده، بولودلار اودور آغلار نه بیلیم بلکه طبیعت اؤزو نامرده گون آغلار ایری یوللاری آچارکن، دوز اولان قوللاری باغلار صاف اولان سینه نی داغلار

آغ پریلر، ساری کؤینه کلی بولودلاردان ائنیرلر سود گؤلونده ملکه ایله چیمه رکن سئوینیرلر سئوینیرلر، اؤیونورلر قووزاناندا هله الده دولو بیر جام آپاریرلار سانکی چنگیلره، شاعیرلره ایلهام آپاریرلار دریا قیزلارینا پئیغام آپاریرلار دنیزین اؤرتویو ماوی، اوفوقون سقفی سماوی آینادیر هر نه باخیرسان: یئر اولوب گؤیله موساوی

ملکه اوردا چیمیر، آی کیمی مهپاره لر ایله گوللو گوشواره لر ایله شئعر-و موسیقی شاباش اولمادا، افشاندی پریشان

بالیق اولدوز کیمی گؤللرده، دنیزلرده پاریلدار آبشار مورواریسین سئل کیمی تؤکدوکده خاریلدار یئل کوشولدار، سو شاریلدار قصریلر واردی قیزیلدان، قالالار واردی عقیقدن

اوردا قار دا یاغار، آمما داها گوللر سولابیلمه ز بو طبیعت، او طراوتده ماحالدیر، اولابیلمه ز

گول آغاجلاری نه طاووس کیمی چترین آچیب الوان حولله کروانیدی، چؤللر، بزه نه ر سورسه بو کروان

مئی، محببتدن ایچیب لاله بیتیبدیر یاناغیندا او بیر اوغلان کی، پریلر سو ایچه رلر چاناغیندا اینجی قاینار بولاغیندا طبعی بیر سئوگیلی بولبول کی، اوخور گول بوداغیندا ساری سونبول قوجاغیندا سولار افسانه دی سؤیله ر اونون افسونلو باغیندا سحه رین چنلی چاغیندا